YEESSSS !!!!! Þið lásuð rétt, við erum komnar í úrslitin 3ja árið í röð. En nú ætlum við að klára dæmið :D Takk fyrir stuðningin allir sem hafið mætt á leiki og þið sem hafið ekki enn gert það þá er það enn ekki orðið of seint ;) Þetta er sko það skemmtilegasta í geiminum enda allar brosandi út að eyrum !!!
Það er ekki komið í ljós hverjum við mætum í úrslitunum en hvort sem það verður Hamar eða Keflavík þá verður þetta hörku rimma og pottþétt frábært skemmtun, engin ætti að missa af því ;)


Sé ykkur í stúkunni
ÁFRAM KR !!!

Nú ætla ég að láta gamminn geisa um allt og ekki neitt næstu 10 mínúturnar eða þangað til klukkan slær 12 og þessi dagur syngur sitt síðasta. Mjög undarlegt ástand hér, og þreytt til að ná nokkru samhengi í annars mjög svo áhugaverðri lesningu um hljóðkerfi en samt of mikið axsjón í gangi í hausnum á mér til þess að far að sofa. Er þá nokkuð betra en að skjóta inn eins og einu litlu bloggi. 

Það sem náttúrulega allra helst er að rétt í þessu, vorum við að vinna annan leikinn í undanúrslita rimmunni við Hauka og erum því komnar með tvo sigra á móti engum. Næsti leikur er svo á föstudaginn í DHL-höllinni. Ég treysti því náttúrulega að engin KR-ingur láti sig vanta þangað. Nema náttúrulega hún Helga sem ætlar að sting af til útlanda núna á hábjargræðistíma. Ég bara veit ekki hvað það á að fyrirstilla ???

En svona fyrir utan körfuboltann er allt meinhægt. Skólinn gengur sinn vanagang.  Ég veit samt ekki alveg hvort það boði gott að vera farin að sýna einkenni yfirlesturs eftir 2ja og hálfs mánaðar nám og það í kúrsum sem er ekki einu sinni mjög mikil lesning. Þetta hlýtur að stafa af litlu lestrar þoli efitr síðastliðið ár þar sem ég las aðallega uppskriftir, stöku ljóð fyrir gamla fólkið og svo auðvitað bloggið hans Eiðs http://blog.eyjan.is/esg/ eitthvað sem enginn sem unnir íslenskri tungu má láta fram hjá sér fara ;) Einkennin koma fram í tíma og ótíma. Um daginn var ég að vinna við ritgerð og var að hlusta á tónlist. Hrekk skyndilega við þegar Helga spyr mig hvað ség eiginlega að gera. Þá hafði ég í nokkrar mínútur bara slegið á einn takka í takkt við tónlistina þannig að setningin sem ég var að skrifa leit eitthvernvegin svona út jjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjj nokkuð gott af ekki langskólagengnari manneskju en mér ;) Svo er ég farin að eiga í miklum vændræðum með haga mér á almannafæri. Við helga gerðum okkur dagamun eitthvert föstudagskvöldið og fórum út að borða. Það endaði ekki betur en svo að ég frussaði matun yfir allt borðið. Þakka guði fyrir að það var varla sála inn á staðnum. Ég get ómögulega rakið þessa undarlegu hegðun til nokkurs annars en til lestursins. Þannig að gangið hægt um háskólansdyr.


Ég held að það hljóti að vera að Helgu finnist ég orðin ofboslega gömul eða þá komin með mjög snemmbúin aldsæmer. Hún er alltaf að reyna að sannfæra mig um að ég hafi sagt eitthvað eða gert sem ég veit alveg upp á mína 10 fingur að ég gerði ekki. Heldur því svo fram að ég muni það ekki. Bíð eftir því að hún reyni að halda því fram að ég hafi gefið henni öll fötin mín, tölvuna og i-podinn. Svon vaða þessi yngstu börn uppi.

Helga súperstar heldur áfram að gera það gott í fjölmiðlunum. Var í kastljósinu um daginn og kom svona líka vel fram að útvarpstjóri hætti snarlega við að leggja niður þulustarfið heldur réð Helgu á staðnum. Þau ykkar sem misstuð af þessu tímamótaviðtali getið séð það hér http://dagskra.ruv.is/sjonvarpid/4472146/2010/03/12/
Nú er ég heldur betur kominn yfir tímamörkin, enda svo sem ekki fræðilegur að ég gæti komið nokkru frá mér á 10 mínútum. Þetta blogg var sem sagt skrifað á tveim dögum ;) Held það sé aðeins farið að róast í heilasellu partýinu svo ég ætti að geta farið að koma mér í háttinn.

Munið bara að taka föstdaginn frá. KR-burger og frábær körfubolti, það gerist ekki betra :D

Þegar ég fæ hvatningarorð á borð við þessi sem hún Sigurbjörg systir okkar hrópaði hér í kommentunum í síðustu færslu þá bara get ég ekki setið á mér. Ég bara veit ekki um fallegri orðasambönd í okkar ylhýra tungumáli en t.d. "Koma svo", "Drífa sig", "Gefa allt í þetta", "Hlauptu hraðar" og "Drullaðu þessu upp" (aðallega brúkað í lyftingaklefanum þó, kannski sem betur fer)

Það hefur töluvert mikið borið á daga okkar nunna síðan síðast, enda ár og dagar síðan síðast. Núna er innanhússtímabilið búið hjá mér og æfingarnar komnar aftur á fullt. Hjá Gróu er úrslitakeppnin í körfunni byrjuð með tilheyrandi taugatitringi og spennu. Það fer aldrei neitt á milli mála hvenær það er leikdagur hjá henni Gógó því þá liggja hálfútfylltar krossgátur á eldhúsborðinu, öll gólf í íbúðinni glansa og oftar en ekki nýbakað hörkkbrauð á boðstólnum, já eða þá nýlagað hummus. Þannig að eins og gefur að skilja kann ég vel að meta þessa úrslitakeppni svo vægt sé til orða tekið :P Svo er bara að vona að stelpurnar haldi áfram á sömu braut og verði KR-stórveldinu til mikils sóma og fái öll KR-hjörtu til þess að slá hraðar!

En víkur þá aftur sögunni að mér. Á föstudaginn held ég, ásamt Stefáni þjálfara og Ásdísi æfingavinkonu með meiru til Suður-Frakklands þar sem við stöllur munum taka þátt í vetrarkastmóti frjálsíþróttasambands Evrópu. Stórt og sterkt mót þar á ferð. Ég keppi í kúlu og spjóti í unglingaflokki (undir 23 ára held ég). Það verður fróðlegt að sjá! Kúlan búin að vera úti og lítið búin að kasta spjóti, en hvernig sem þetta fer allt saman þá verður þetta allavegana góð æfing og það verður gott að sjá hvar ég stend í spjótinu. Ætla bara að hugsa um minn eigin árangur en ekki árangur hinna stelpnanna sem flestar eru örugglega töluvert betri en ég, enda ekki vesælar sjöþrautastelpur.
Frá Suður-Frakklandi er ferðinni síðan haldið til Tenerife þar sem við dveljumst í æfingabúðum til 9.apríl! Þangað kemur Stefanía og Steinþór líka þannig að það verður glatt á hjalla. Við Ásdís erum búnar að verða okkur úti um Kólus páskaegg sem við ætlum að deila með okkur í mesta systerni. Gógó er reyndar líka búin að verða sér úti um svona páskaegg, en hún hyggst stúta því öllu alein. Enda verður úrslitakeppnin líklega búin og þá er allt leyfilegt :P
En sumsé, það er mikið ævintýri framundan og ég ætla að njóta hvers einasta dags til hins ítrasta. Og reyndar ætla ég líka að njóta daganna fram að æfingabúðum því það er það sem skiptir höfuðmáli, að njóta líðandi stundar!

En ég læt þetta duga í bili lesendur góðir. Ég gæti skrifað hér langt fram á nótt en við Gógó hyggjumst taka eins og eitt Scrabble fyrir svefninn. Hlaupa-sundæfing í fyrramálið og almenn gleði! :)

Lifið heil kæru lesendur

Það er alveg magnað hvað ég geri magnaðar uppgötvanir þegar síst skyldi. Það er alveg greinilegt að námið auðgar andan því ég þarf varla annað en opna námsbók og þá byrjar alveg óstöðvandi hugflæðið (þeir sem ekki ná að glöggva sig á orðinu hugflæði þá er það íslensk þýðing á orðinu brainstorming, það skilja væntanlega allir). Svo vindur þetta upp á sig og leiðir mig frá einum stað til annars sem endar iðurlega með því hausinn á mér er orðin gjörsamlega stútfullur af gagnslausum fróðleik svo ég neiðist til að loka námsbókinni aftur og tæma hugann.

Ég var t.d. að leita að upplýsingum um mannfjölda á íslandi á 12. og 13. öld vegna ritgerðar. Leið mín lá inn á heimasíðu hagstofunar, þvílík gullkista sem sú síða er. Þar komst ég meðal annar að því að ég deili afmælisdegi með 808 íslendingum, gætu reyndar verið eitthvað færri ef einvherjir skyldu hafa hrokkið upp af síðustu daga. Ég komst líka að því að við erum tvær sem heitum Guðrún Gróa. En það þarf engan að undra að Guðrún er algengasta nafnið og bera yfir 5000 fljóð þetta fagra og rótgróna nafn ;) Það verður seint sagt að mikil framúrstefna einkenni nöfn okkar í fjölskyldunni. 5 af 6 algengustu kvennmannsnöfnunum eru í notkunn í fölskyldunni. Aðeins sibba má bíta í það súra epli að bera ekki nafn á topp 10, reyndar allveg gallsúra því Sigurbjörg er aðeins í 48. sæti.

En það sem helst vakti athygli mína var að spáð er að Íslendingar verði orðnir 408.835 árið 2050. Jújú vissulega hefur það löngum verið aðaliðja íslendinga á krepputímum að fjölga sér en ég vona að starfsfólk hagstofunar hafi ekki reiknað með framlagi frá okkur systikinum í þessari tölu :P Svo rak ég augun í dálk sem heitir "lykiltölur" ég var fullviss um að þar væri nú eitthvað sem gagn væri að en það var nú öðru nær , hver kærir sig svo sem um að vita hver fiskafli í janúar hafi verið mikill eða hvað þá launavísitlan ?? Allaveg ekki ég, hef um annað mikilvægara að hugsa ;)

Annars hefur helgin bara verið hin rólegasta, enda kemst maður varla úr sporunum í öllu þessu fannfergi. Ég er ekki ein af þeim sem beðið hafa til guðs um snjó, enda hefur mér ekki enn tekist að komast að því hvaða tilgangi hann gegnir svona þegar maður á að heita of þroskaðu fyrir stiga-sleðann og hættir sér ekki á skíði af hræðslu við að slasast. Auk þess er mér ekki rótt vitandi af Helgu ókunýðing úti í umferðinni í þessari færð. Meðan að flestir silast áfram á rennisléttum dekkjum gefur hún Helga í og nú vill hún ekki sjá svörtu súkkunna eftir að hún kosta að því að bláa skutlan er fjórhjóladrifin ;)

Á þriðjudaginn er svo síðasti leikurinn í deildarkeppninni svo tekur bara úrslitakeppnin við. Eins og alþjóð á að vita þá höfum við nú þegar tryggt okkur deildarbikarinn og sitjum því hjá í fyrstu umferð úrslitakeppninnar. Ég vil nú helst ekki hugsa um það að þetta fari að vera búið þó auðvitað sé úrslitakeppnin skemmtilegasti tími tímabilsins en mér finnst tímabilið bara vera rétt byrjað :s Svo flýgur tíminn.

Jæja ætli ég sé ekki búin með kvótann í bili.
Bið ykkur vel að lifa og forðið ykkur í snatri ef þið sjáið ljósbláan suzuki baleno brunandi, líf ykkar gæti legið við.
Gróa

.....Bíðið við, af hverju var ég aftur á heimasíðu hagstofunnar ?????

Það virðist sem það hafi farið framhjá fáum að við nunnurnar vorum teknar í opnuviðtal í íþróttablaði morgunblaðsins á dögunum. Við systur íhuguðum að að kaupa upp allt upplagið en vorum of seinar til, en við hefðum betur gert það :P En þetta var svolítið öðruvísi viðtal, vanalega er athyglinni bara beint að íþróttinni en þarna fékk fólk smá innsýn í heimilislíf okkar systra, já og hins undirokaða Grjóna sem verður að horfa á sjónvarpið með heyrnatólum. Ég hafði einstaklega gaman af því að Gróa kom út úr þessu viðtali sem algjör slagsmálahundur og kolklikkuð gribba :P En Mogginn lýgur ekki, það er alveg víst :P

Pabbi vissi samt ekki hvaðan á sig stóð veðrið þegar hann var stoppaður í þeirri ágætu búð Vélaver og var spurður að því hvort það væru dætur hans sem væru að slást á síðum morgunblaðsins. Pabbi hafði ekki hugmynd um þetta viðtal og varð því hálf kjaftstopp.
En það er ekki laust við að það sé svolítið gaman af þessu, enda er alltaf gaman þar sem stutt er í grínið! (En löðrungurinn í blaktímanum var er þó ekkert grín)

Á morgun er bikarkeppni FRÍ. Það er óhætt að segja að ég sé virkilega spennt. Ég keppi í grind og hástökki, og svo 4x400. Við Fjörmenningar erum með sterkt lið en ætlum að sjálfsögðu fyrst og fremst að hafa gaman af þessu :) Ég ætla allavegana að gera mitt allra allra besta. Þetta verður stuð :D

Næstu helgi stefni ég svo á að keppa á sænska meistaramótinu í þraut. Það er virkilega spennandi og ég hlakka mikið til. Eins og sönnum kvenmanni sæmir fór ég á stúfana og grennslaðist fyrir um hvort að eins og ein H&M verslun væri á staðnum og það er skemmst frá því að segja að verslunarkeðjan stórkostlega var stofnuð í bænum fyrir margtlöngu. Það má því segja að ég slái tvær flugur í einu höggi, pílagrímsferð og kepnnisferð í einni og sömu ferðinni....ekki slæmt það. En svo er bara að vona að það gefist einhver tími til þess versla og kaupa eins og eitt sokkapar eða svo :P

Læt þetta duga í bili.. létt og laggottt

Klukkan er rétt rúmlega 23 á fimmtudagskvöld og ég hef frá því ég kláraði að næra mig eftir æfinguna verið að gera það upp við mig hvað ég eigi af mér að gera svona á síðsustu mínútum þessa drottins dags. Ekki að að það séu fáir kostir í stöðunni heldur frekar það að viljinn til að gera nokkurn skapaðan hlut er ekki alveg fyrir hendi, þráta)t fyrir að valkostirnir væru hverjir öðrum skemmtilegri.
a) Klára tiltektina sem við Helga hófum fyrr í dag - neee...geri það bara á morgun (je right)

b) Fara snemma í háttinn svo ég tapi nú ekki aleigunni af sjálfsvorkun í fyrramálið - nei ég er ennþá allt of upptjúnuð eftir æfinguna

c) LÆRA !!! - Æhh...bókunum er svo vel uppraðað eftir tiltektina að ég tými bara ómögulega að rusla til strax aftur, leyfi þeim að standa þar til á mrg.

d) Horfa á brun kvenna á ólympíuleikunum. - Ég er eiginelga með of lítið hjarta til að horfa á þessar stórhættulegu aðfarir, af öllum heimsins íþróttum af hverju að velja einvhera sem er alveg stórhættuleg. Fæ alvega illt í mitt litla hjarta þegar þær ólánssömu fljúga á hausinn, magnað að nokkur skuli lifa það af.

e) Blogga...já því ekki það. Vona að ég geti létt lund þeirra sem farnir eru að bíða óþreyjufullir eftir bloggi frá mér. Skítt með það þó ég hafi færri en engar fréttir að fær. En eins og við segjum í sveitinni þá eru engar fréttir góðar frétti ;)

Eins og lífið hefur gert að mestu hingað til þá gengur það sinn vanagang sem sagt á hundavaði. Við nunnur létum að sjálfsögðu okkar ekki eftir liggja í bollu- og saltkjöts og baunaáti. Helga hafði samt án alls vafa vinninginn enda þjófstartaði hún fyrir norðan  þegar ég var víðsfjarri og gat enga rönd við reist. Hún er sem sagt bolluátsmeistari 2010 (og þá er sigurjón ekki tekinn með þar sem hann er í allt öðrum þyngdarflokki).

Mér tókst laglega að vinna mér inn prik hjá kennaranum í miðaldarbókmenntum um daginn. Við vorum að ræða möttuls sögu og af einvherjum ástæðum flæktust riddarasögur inn í þá umræðu. Þá varpar herra kennari fram þeirri spurningu hvaða riddarasöur við höfum lesið. Eitthvað bólaði á svari svo eins og vanalega fannst mér ég knúinn til segja eitthvða. Þá rámar mig í að einhver riddari hafi veirð í Martinus sögu sem við höfðum lesið fyrr á önninni svo ég segi það rétt nógu hátt svo það heyrðist. Þá kemur nú sodlið skrítinn svipur á kennarann sem segir svo að sú saga sé nú reyndar helgi saga.....helgi saga, riddara saga what's the difference anyway ;) Þannig að ég hef unnið mér inn titilinn gáfnaljós áfangans, ekki amalegt það og getur ekki þýtt neitt annað en 10 !

Það er farið að mjög í að úrslitakeppnin byrji, bara tveir leikir eftir í deildinni. Við erum búnar að tryggja okkur deildarmeistaratitilinn og heimaleikjarétt og þar af leiðandi munum við sitja hjá í fyrstu umferð í úrslitakeppninni. Skemmtilegasti tími tímabilsins og uppskerutími allra æfinganna og erfiðisins.

Jæja nú er ég að verað búin að taka klukku tíma í þeta blogg og útséða að ég láti verða að því að gera eitthvað meira í kvöld annað en að koma mér í bælið.

En að lokum vil ég að sjálfsögu óska henni Guðrúnu Eik, sem er einn af okkar dyggustu lesendum og gallharður stuðningsmaður, til hamgingju með daginn. Skvísan hvorki meira né minna en 22ja ára í dag. Til lukku með það ljúfan :*

Góða nótt og sofið rótt
Gógó ;)

Ég veit að þið kæru lesendur eruð farnir að sakna bloggfærslanna hennar Gógó skáldkonu. Ég sakna þeirra líka og reyndar sakna ég Gógó bara almennt séð. Svo virðist sem íslenskutröllið haldi henni í heljargreipum og nú er greyið komið með kvíðaröskun vegna ritgerðarinnar um höfðingjahugmyndafræði í Sturlusögu, enda færist skiladagurinn sífellt nær, nákvæmlega tveir mánuðir í skil á morgun! Þannig að þið getið allt eins átt von á því ekki heyrist í Gógó fyrr en 16.apríl. Hún beytir nú hugaraflinu af fullri orku til að reyna að ná sambandi við Sturlu Þórðarson sem staddur er hinum megin við móðuna miklu, sem liggur þó greinilega fyrir utan secret-lögmálið því ekki hefur hún enn náð sambandi við hann né nokkurn annan höfðingja sem hjó mann og annan að því er virðist tilefnislaust.

En þessu skólafangelsi hennar Gróu fylgir þó einn kostur, hún hefur engan tíma til þess að halda sér í spila-æfingu. Við tókum eitt létt jatsí fyrr í kvöld og það er skemmst frá því að segja að ég burstaði viðureignina sem náði aldrei að verða spennandi, ég meina hún fékk einn fjarka í fjarkana og eina fimmu í fimmurnar....:P Ég aftur á móti er í ansi góðri jatsí-æfingu þessa dagna. Skárra að vera í jatsí-formi en engu formi :P

Ég fór norður í Hrútafjörð um helgina. Það var mjög gott og endurnærandi að vanda. Reyndar fór helgin að mestu í lærdóm og það mest sveitalega sem ég gerði var að borða lamb. En það er samt alveg ótrúlegt hvað dagurinn í sveitinni er langur og nýtist manni vel. Þannig getur maður vaknað mun seinna en hérna í bænum en samt komið svo miklu meira í verk, og farið svo fyrr að sofa í þokkabót! Þannig að ég náði að læra alveg heilan helling sem er mjög gott mál. Svo fór ég í fyrsta skipti á Þorrablót. Ja, það var allavegana upplifun og mjög gaman. Ég komst samt að því að ég er engan veginn nógu vel að mér í gömlu dönsunum, að lokum rann þó upp fyrir mér að þetta samanstendur nær alltsaman af hliðar-saman-hliðar, bara með mismunandi mjaðmahnykkjum og snúningum. Já og svo verður maður náttúrulega að láta karlmanninn stjórna, en mér fannst það lang erfiðasti parturinn :P

Það er alltaf svolítið skrýtið að koma heim þegar ég hef ekki komið þangað í einhvern tíma. Mér finnst nefnilega eins og öll borð hafi lækkað, myndir færst neðar á veggina og mamma og pabbi minnkað. Mér dettur náttúrulega ekki í hug að það sé ég sem hafi stækkað :P Reyndar getur bara ekki verið að ég sé ennþá að stækka, held að þetta sé komið gott í bili. Veit ekki alveg hvað ég er stór akkúrat núna en það liggur einhverstaðar á bilinu 181-183 sentímetrar.

Í dag er vika síðan ég fór í sprautuna. Það hefur gengið vel að hvíla en í dag fékk ég að skokka í fyrsta skipti. Það gekk vel og ég gerði líka hreyfiteygjur. Það var unaðsleg tilfinning að gera þessar hreyfiteygjur alveg verkjalaus, eitthvað sem ég hef ekki gert í tvo mánuði. En ég ætla samt ekki að fagna of snemma og hvað þá fara of geyst af stað. Þess vegna finnst mér frekar ólíklegra en líklegra að ég taki þátt í þrautarmótinu núna um helgina. Það er leiðinlegt en svona er lífið!
Ég held samt ótrauð áfram og læt ekkert stoppa mig :D

Lifið heil og hvernig væri nú að stofnuð væri eins og ein facebook grúppa undir nafninu "Við viljum að Gógó vakni aftur til lífsins" já eða þá að fara í gang með undirskriftasöfnun...húsvörðurinn í blokkinni ætti að geta séð um þá undirskriftasöfnun enda með undirskrifta áráttu. Nú síðast vegna trjánna í garðinum, en við vissum ekki einu sinni að það væri tré í garðinum.....alveg merkilegt!

Það er allt gott að frétta héðan úr Hvassaleitinu og lífið gengur nokkurn veginn sinn vanagang.

Gróa situr hérna gegnt mér og er að glósa Sturlungu og þó ég segi sjálf frá þá ber hún sig bara nokkuð fagmannlega, reyndar svolítið hokin í bakinu en það vantar ekkert upp á spekingssvipinn. Svo setja KR-armböndin náttúrulega punktinn yfir i-ið, ákaflega íslenskufræðingsleg armbönd þar á ferð :P

Af mér er allt milli-gott að frétta. Keppti um síðustu helgi og það gekk svona upp og ofan. Tæknin í kúlunni er alveg farin út um þúfur þannig að það fór eins og það fór. Kastaði lengst án atrennu, og það er náttúrulega bara lélegt! En ég hljóp ágætlega í 400m og 800m. Reyndar afrekaði ég að hlaupa 400 metrana á 88,52 sekúndur skv. fréttablaðinu, og fékk fyrir vikið sérstök heiðursverðlaun. Ekki slæmt það, enda ekki á hverjum degi sem maður nennir að skríða heila 400 metra, og það afturábak;)

Á mánudaginn fór ég aftur á móti í sprautu efst í hamnum, eiginlega í rassinum. Einhver eymsli þar hafa verið að plaga mig núna í tvo mánuði og komið í veg fyrir að ég hafi getað æft á fullu gasi eða keppt í greinum á borð við hástökk, grind eða 60m. Þannig að við ákváðum á prófa þetta og í kjölfarið þarf ég að hvíla þetta svæði í nokkra daga. Ég er mjög bjartsýn á að þetta virki og vona það besta. Ég er farin að sjá verkjalausar æfingar fyrir mér í hyllingum og get ekki beðið eftir því að fara aftur á fullt :D Aðal markmiðið mitt fyrir næsta tímabil er að vera heil, bæði á líkama og sál. Það er samt ágætt að meiðast svona inn á milli því þá lærir maður að meta það hversu ótrúlega gaman og gott það er að geta æft á fullu gasi meiðslaus og ferskur. Þannig að eins og þið heyrið er hljóðið í mér bara gott þessa dagana, enda hjálpar það ekkert að vera með fýlusvip, það gerir hlutina bara enn leiðinlegri en þeir eru nú þegar. Svo reyndar fékk ég ansi gott spakmæli frá síðunni www.velgengni.is

- Bjarsýnin á ekki að gera þig blindan á vandamálin, heldur hjálpa þér að finna lausnina -

Þessi vefsíða er annars snilldin ein og ég hvet alla þá sem hafa á annað borð gaman af spakmælum að skrá sig og fá þar af leiðandi sent spakmæli dagsins á hverjum virkum degi. Reyndar skildi ég hvorki upp né niður í spakmæli dagsins í dag:

- Það er til fólk sem lætur hlutina gerast, fólk sem sér hlutina gerast og fólk sem hefur ekki hugmynd um að nokkuð hafi gerst -

En ef það er eitthver þarna úti sem telur sig vita hver spekin á bakvið þessi orð er, þá má hinn sami endilega láta mig vita :)

En úr því að við erum nú að tala um spakmæli er ekki úr vegi að færa sig yfir í ljóðin. Skil á hinni margrómuðu ljóðaritgerð sem fylgir ÍSL 503 í MH færast nær og nær. Ég ætla að skrifa um bókina Agnarsmá brot úr eilífð eftir Ólaf Ragnarsson. Ljóðin í bókinni eru mörg hver alveg mögnuð og því ætla ég að enda þessa bloggfærslu á ljóðinu Hugarhiminn.

Hugur þinn
er sem himinn
ýmist heiður og blár
eða hrannaður skýjum.

Hver hugsun er ský.
Sum eru sólbjört og létt
önnur svargrá og þung.
En skýjafar allt
er á þínu valdi.

Þú getur eytt öllum
illviðrisskýjum
svo heiðríkt verði
á hugarhimni þínum.

Og þá skín sól
ekki aðeins á þig
heldur alla
í návist þinni.

Minnstu þess ávallt
að þú einn
ert þinn veðurguð.

  Jaáá...það verður nú varla sagt að hún Gógó mín blómstri þessa dagana því ekki hefur háskólanámið hellt yfir mig ritandnaum eins og ég bjóst fastlega við. Nei frekar fátt frá mér komið upp á síðkastið enda er það eitt sem ég hef lært öðru fremur það sem af er háskóla námi mínu að best er að halda sig sem minnst í frammi, í það minnsta þegar kennarinn spyr spurninga sem í hans huga eru vægast sagt einfaldar og það jafnvel á færi suðsvarts almúgans að svara þeim, en ekki aðeins verðandi vísindamanna. Mér sýndist reyndar að ég  hafi ekki verið sú eina sem vissi ekki hvað hugtakið hapex legumenum þýddi (veit það reyndar núna) þó kennarinn hafi sagt það eins og við sjálfan sig að það vissu auðvitað allir inni í kennslustofnunni og þá hvarflaði að mér að stökkva út um gluggann.  Auk þess sem kveðskapur minn illa var skotinn í kaf af einhverjum „huldumanni" síðast svo það er útséð með að ég láti eitthvað frá mér sem ekki lýtur öllum ströngustu reglum bundins máls og sé yfirfarið í þaula. Annað en það fer beinustu leið í skúffuna. Sem er reyndar verra þar sem skrifborðið mitt er ennþá niðrí bílskúr og bíður þess að einhver handlaginn komi og geri það heimanámshæft.

Nóg um það.

 

Ég hef hingað til ekki verið mjög höll undir andleg málefni þó ég hafi marg oft gert tilraunir til að kynna mér þau efni en yfirleitt gefist upp á fyrstu blaðsíðu rita sem það snerta. Ein þeirra bóka sem ég hef gluggað í er hin margumtalaða og heimsfræga The Secret. En það varð nú aldrei meira en það að ég gluggaði rétt í hana enda fannst mér lítt til boðskapar hennar koma. Hvernig í andskotanum á maður að geta orðið miljónamæringur ef maður hugsar bara nógu mikið um það hvað maður ætli  sér að verða milli. En svo var það eftir æfingu að við fórum í BINGO og nb þá er ég og hef alltaf verið mjög óheppin í öllum spilum og haddrættum hvaða nafni sem þau kallast svo ég fór ekki með miklar væntingar í biongóið. Byrjunin var eins og ég hafði búist við, tölurnar komu upp hver af annarri án þess að margar þeirra mætti finna á mínum spjöldum. Þegar ég sit þarna í lánleysi mínu sé ég hvar talan B2 er á mínu spjaldi. Ég fer þá að hugsa um bók sem við eigum heima sem er einmitt um samvaxnar geimverur sem kalla sig B2 og það að mig minni að  þessar fígúrur hafi eintthvertíman komið í stundina okkar en þá er ég trufluð í þessum annars skemmtilegu hugleiðingum þegar Benni les upp tölun B2 !!! Ég verð aldeilis hissa á þessari skemmtilegu tilviljun en dettur strax í hug boðskap The Secret og ákveð því að einblína á eina tölu og vita hvort hún komi ekki upp. B8 varð fyrir valinu og hvað haldið þið ?? Jú auðvitað kom hún upp í næst drætti.  Ég reyndi aftur en hitti þá ekki alveg á rétta tölu, en eins nálægt henni og hægt var, og lét því staðar numið. En þegar byrjað var á síðasta leiknum og ég hafði ekki unnið neitt ákveð ég að hugsa mjög stíft um annað spjaldið og hugsa að þetta sé vinningsspjaldið og það gekk eftir !!! Alveg hreint magnað ekki satt ??? Og í vinning fékk ég bíómið og til að toppa þetta allt þá var ég einmitt að hugsa þegar ég var að taka mig til á æfinguna að mig langaði svo í bíó og þyrfti endilega að fara að drífa mig í því og þá hafði ég ekki hugmynd um að það yrði bíómiðar í vinning. Já það eru sko hreinar línur að þetta ætla ég að notfæra  mér og það er skemmtileg tilviljun að það er einmitt dregið úr víkingalottóinu á morgun ;)

Yfir að allt öðru

 

Nú tröllríður öllu á facebook eitthvað sem kallað er doppelganger week eða eitthvað í þá áttina þar sem fólk setur mynd af einvherjum frægum (svon mis samt) í profile-inn sem það telur sig líkjast eða aðrir hafa sagt að það líkist. Ég fór svona að leiða hugan að því hvort ég líktist einvherjum frægum en gat bara ómögulega  fundið neinn né munað eftir því að einvher hafi sagt að ég líkist einhverjum frægum (nena Helgu náttúrulega en hún telst ekki með auk þess sem ég tel mig miklu frægari en hana :þ). En þegar ég hafði brotið hugann í spað yfir þessu þá allt í einu mundi ég eftir því að mér hefur nokkrum sinnum verið líkt við jahh...hvað skal segja manneskjur og fígúrur og eins einkennilegt og það hljómar  voru það allt þjálfararnir mínir sem komu með þessar líkingar. Ég gat ómögulega valið úr þessum föngulega hóp og læt hann því bara allan koma hér ;)  




Já það er ekki leiðum að líkjast ;)

En það er löngu kominn háttatími enda stór leikur á morgun. Ég veit hvað ég ætla að hugsa fyrir svefninn ;)

Bless'ykkur :)

- Maður nokkur fór niður að tjörn en þegar hann kom niður á tjörn voru endurnar ekki lengi að koma sér í burtu og flúðu í fylkingum. Hvað hét maðurinn?
Svar: Andstyggilegur

Þessi brandari rr heiðarleg tilraun mín til þess að tengja saman titil bloggsins og innihald þess. Mig hefur bara alltaf langað til þess að skýra blogg "Andvaka" en í raun eiginlega aldrei verið andvaka, enda oftast sofnuð áður en ég hef rænu á að fara í náttfötin :P Engu að síður líður mér svolítið eins og ég sé andvaka núna klukkan 08:00 á þessum sunnudagsmorgni. Ég ætlaði svoleiðis að sofa út, var búin að tryggja mér að æfing dagsins yrði tekin eftir hádegi og sá í hyllingum (Er ypsilón í þessu orði? Spurningu beint til íslenskufræðings heimilisins) að ég gæti sofið á mínu græna langt fram eftir degi (sumsé allavegana til 9-10). En eins og vanalega gengu þau plön mín ekki eftir......

Ég keppti í gær á MÍ 15-22 ára. Það var nú meiri rússíbanareiðin. Fékk loksins að keppa í einhverju meira en bara kúluvarpi og ég er mjög þakklát fyrir það. Tók stutta atrennu í langstökkinu og hljóp hana kannski fullhægt, enda fór ég fullstutt en ætla samt ekki að svekkja mig á því. Fyrsta skipti sem ég keppi í langstökki síðan ég tognaði á EM og því viss léttir að vera búin að því. Nú liggur leiðin bara uppávið :D Úr langstökkinu fór ég í kúluna og JI DÚDDA MÍA hvað ég var léleg. Hef ekki kastað svona stutt síðan sautjánhundruð á súrkál (sem var þá reyndar í sumar, vá hvað tíminn líður :P). Gerði bara tvö köst gild og bæði voru stutt og misheppnuð. Eftir kúluvarpið var ég svo brjáluð í skapniu að ég hefði örugglega getað tekið Gunnlaug Júlíusson á þetta og hlaupið tvöfalt ef ekki þrefalt maraþon ef það hefði staðið til boða. Reiðin nýttist mér rosalega vel í 800 metra hlaupinu því ég bætti mig um tæpar 3 sekúndur, úr 2.16.78 mín í 2.13.81 mín. Það er því óhætt að segja að ég sé í alveg stórfurðulegu formi þessar vikurnar, tvær bætingar komnar í hús, í kúluvarpi og 800m!
En mikið ofboðslega var samt gaman að fá að keppa í fleiru en bara kúluvarpinu, með fullri virðingu fyrir blessaðri kúlunni samt! Núna er bara að vona að hamurinn fari að hætta að vera með þennan derring og að ég geti keppt á MÍ aðal og MÍ í þraut af fullum krafti :D Með bjartsýnina og baráttuna að vopni tekst þetta allt !!

Mér finnst mjög skemmtilegt og afar nauðsynlegt að fara í nafaskoðun endrum og sinnum. Og með naflaskoðun á ég ekki við stækkunarglers-skoðun á þessu skrýtna fyrirbæri þarna framan á bumbunni, heldur gagnrýna sjálfsskoðun! Ég er t.d. búin að komast að því að ég er svo gott sem ófær um að mynda mér sjálfstæða skoðun á nokkrum sköpuðum hlut, er oftast bara sammála síðasta ræðumanni og get því verið gífurlega áhrifagjörn (nema að síðasti ræðumaður heiti Davíð Oddsson). Það væri t.d. ekki séns að ég gæti myndað mér eitthverja skoðun á Icesave sem hægt væri að styðja með einhverjum marktækmum rökum. En ég ætti kannski bara að vera fegin að geta það ekki! En ég vona að þið skiljið samt hvað ég er að fara. Ég er bara algjör hermikráka og hef alla tíð verið það.
Þá hef ég svolitlar áhyggjur af því að kannski sé ég alltof fljót að byrja að treysta fólki og að ég sé of auðtrúa. En það er þá eitthvað sem ég get unnið í að bæta samhliða því að taka mig á í húsverkunum :P

En jæja, best að fara að skella í sig hafragrautnum.
Ætla að enda bloggið á því að senda allar mínar bestu kveðjur til strákanna í Vín. Vona að þeir rúlli brons-leiknum upp í dag! Enda væri það stórkostlegur árangur að vinna til bronsverðlauna á svona sterku móti sem Evrópumótið er. Um leið vil ég þakka þeim fyrir ótrúlega skemmtun síðustu daga og líka fyrir að vera svona frábærar fyrirmyndir! (Veit samt ekki alveg afhverju ég er að skrifa þetta allt hérna, það er ekki eins og þeir lesi þennan leirburð minn, tja, allavegana ekki lestrarhesturinn Óli Stef.)

Njótið dagsins :D