Við höfum ákveðið að færa okkur um stað

www.nunnunar.blogspot.com

sé ykkur þar ;)

Gróa abbadís

Við nunnur erum í prófum þessa dagana. Gógó klárar á morgun en ég ekki fyrr en á mánudaginn. Eins og allir vita þá getur prófalestur verið ansi hreint leiðinlegur og þreytandi til lengdar. Sérstaklega getur hann farið illa í hana Gróu mína. Hún byrjar að tuða yfir öllum sköpuðum hlut, það skiptir ekki máli hvort það er opin klósettseta, asnalegt módel í intersportbæklingi eða rándýr, harður og ljótur sólbekkur í rúmfatalagernum. Ég sá mig því tilneydda til þess að grípa til minna ráða ættum við báðar, og þá ekki síst ég þar sem ég þarf alltaf að hlusta á röflið í stelpunni, að halda geðheilsunni. Ég stakk því upp á að við létum gamlan draum rætast og nytjamörkuðumst í nokkra klukkutíma. Gróa var nú svolítið treg til í fyrstu en þegar ég benti henni á að þetta væri allt gert í þágu hugvísindanna var hún ekki lengi að skipta um skoðun. Gróa ætlar nefnilega að verða blaðamaður. Fyrir þá sem ekki sjá tenginguna þarna á milli verða vinsamlegast að setja sig í samband við Gógó sjálfa því ég sé þessa tengingu ekki heldur.....

Eftir að hafa unnið heimildarvinnuna á bæði ja.is og google.com (sem er btw. hin ágætasta leitarvél á veraldarvefnum ef ske kynni að lesendur hafi ekki heyrt um hana áður) ókum við á stað í þessu líka blíðskaparveðri. Mér gafst tækifæri til þess að brúka nýju sólgleraugun mín og komst að því að með þeim er grænt ljós ekki grænt heldur blágrænt, en það er nú önnur saga.

Fyrst var ferðinni heitið á Grensásveg þar sem Basarinn, nytjamarkaður kristniboðasambandsins ÁTTI að vera til húsa. Það runnu á Gógó tvær grímur um starfsemi kristniboðasambandsins þegar hún sér standa stórum stöfum í glugganum TIL SÖLU EÐA LEIGU!! Ég var nú aldeilis ekki á þeim buxunum að gefast upp strax og arkaði því inn í því skyni að kaupa eða leigja eitthvað sem þyrfti svo stórrar auglýsingar við. En Basarinn var ekki lengur á sínum stað, hann var kominn í nýtt og betra húsnæði við Háaleitisbraut 68. Við vissum hvar Háaleitisbraut er staðsett en fundum hvergi Háaleitisbraut númer 68, já eða ekki fyrr en við gerðum okkur grein fyrir því að Háaletisbraut 68 er staðsett nákvæmlega við hliðin á Hvassaleiti 6, íverustað okkar. Við töldum okkur því aldeils vera dottnar í lukkupottinn, að vera núna staðsettar í mekku nytjamarkaðana, með Góða hirðinn á vinstri hönd og Basarinn á þá hægri.

En Adam var ekki lengi í paradís. Til sölu voru aðallega bækur sem standa langt fyrir utan okkar þroskasvið og föt sem voru nokkrum númerum of stór, já þrátt fyrir að við séum nú engin smásmíð að vexti (allavegana ekki ég, Gróa er nú óttaleg veimiltíta :P) Þó var þarna áhugavert myndefni. Guðrúnu hugnaðist að kaupa uppáhalds íþróttamyndina sína ,Wimbledon á 100 krónur, en þá hefði hún líka þurft að kaupa vídeótæki, en það stóð ekki til boða. Einnig var hægt að kaupa heila seríu af bráðavaktinni á 2500 krónur, en slík útgjöld voru þó ekki á dagskrá. Svo trúið því eður ei, við löbbuðum tómhentar út og það þrátt fyri heiðarlega tilraunir mínar til þess að fá Guðrúni til að kaupa risastóra karlmanns-gallaskyrtu eða litla útsaumsmynd sem myndi endast henni til fertugs.

Svo niðurstaðan var þessi: GÍFURLEG VONBRIGÐI ! Við verðum þó að taka tillit til þess að þetta var fyrsti opnunardagur basarsins í nýju húsnæði og því möguleiki að mestu gersemirnar leynist enn bakatil. Það er þó gott að vita af þessum nytjamarkaði þarna, svo ef maður er virkilega dapur í bragði getur maður þó allavegana skundað upp í Austurver og keypt sér eins og eina of litla skyrtu eða bók um upprisu mannsins og eilíft líf...sem þó enginn kærir sig um, allavegana ekki á þessum síðustu og verstu!

En örvæntið ekki lesendur góðir! Á dagskránni voru tveir aðrir nytjamarkaðir og mun gagnrýni um þá birtast hér á næstu dögum, og svona til að halda ykkur heitum þá verða þær færslur ekki af verri endanum. Það sem m.a. annars mun bera á góma er utanvegaakstur, Kleppur og rifrildi um gallavesti...so stay tuned!!

!!AFSAKIÐ HLÉ!!

Ef ég þekki okkur systur rétt þá mun bloggsíðan aftur taka flugið þegar prófin eru formlega byrjuð, eitthvað verður maður jú að finna sér til dundurs á milli prófa :p

Lifið heil og sæl þangað til  :)

Sá stóri kominn í hús !! Tómlaus hamingja, gleði og stuð.

Áfram KR !!

Örstutt kveðja héðan frá Tenerife

Enn og aftur sit ég hérna á hótelbarnum með námsbækurnar mér við hlið, en einhverra hluta vegna vilja þær aldrei opnast af neinu viti og ég enda vafrandi um á netinu. Spurning um að sleppa bara tölvunni næst?
En jæja, ég vildi bara óska öllum gleðilegra páska og góðs páskaeggjaáts, ég vona að enginn hafi tognað í maganum ennþá. Ég er allavegana ekki ennþá búin að togna í maganum og finnst það þó nokkuð undarlegt þar sem ég er nú ekki beint ó-tognhneigðasta manneskjan á svæðinu.

En dagurinn er búinn að vera ljúfur hérna á eyjunni góðu. Ákváðum að taka daginn með át-trukki og fá okkur allt það sem við höfum horft á með löngunaraugum hingað til en ekki látið eftir okkur. Í morgunmat var því étið súkkulaðimorgunkorn, drukkið heitt súkkulaði og borðað súkkulaði smjördeigshorn. Ekki beint það gáfulegasta sem ég hef gert á lífsleiðinni því stuttu seinna tók ég erfiða hlaupaæfingu í lauginni og í þriðja setti af tíu ætlaði allt súkkulaðið að koma upp aftur. En sem betur fer náði ég nú að halda öllu niðri :P Svo var tekin sameginleg sundlaugaræfing með HSK liðinu. Alltaf gaman að taka æfingar með 5 lítra vatnskúta á páskadag, það er skemmtun sem enginn ætti að láta framhjá sér fara.
Eftir æfingu rukum við upp á herbergi og byrjuðum á páskaegginu, þá enn hundblautar, því hamagangurinn var það mikill að við höfðum ekki rænu á því að fara úr blautu sundfötunum. Málshátturinn var eflaust ekki af verri endanum, en þó svo flókinn að ég skildi hann ekki og man hann heldur ekki...sumsé mjög merkilegur. En ég geymdi hann vel og hyggst hringja í íslenskufræðing fjölskyldunnar og láta hana ráða gátuna :P
Svo hélt átið áfram. Höfðum litla list á hádegismatnum en þeim mun meiri list á ísnum í eftirmat :P Sólin lét lítið sjá sig í dag og því var ekkert sólbað, að það FJÓRÐA daginn í röð!! Ég meina, hvað er að frétta? Maður fer til sólarlands í því skyni að tana og svo bara gefst ekkert færi á því. Sé fram á að koma hvítari heim en ég fór út...þ.e.a.s. ef það væri einhver möguleiki, þar sem ég var hvítari en kúkus-klan kall þegar ég mætti á svæðið. En það eru enn tveir heilir dagar eftir og þá verður hver sólargeisli sleiktur. Ásdís er nýbúin að kaupa heilan olíubrúsa sem hún við stefnum á að klára fyrir ferðalok, enda tók það okkur bara 4 daga að klára þann fyrsta...maður stefnir náttúrulega alltaf að því að bæta sig :P
En sökum sólarleysis þá sátum við bara og spiluðum forseta nokkur saman. Skemmst frá því að segja að ég var bara milli-góð, en hafði þó aldrei verið skíturinn þangað til ég fór að flagga því að ég hefði aldrei tapað, þá skíttapaði ég náttúrulega í næsta spili.
Það er bara ein æfing í dag og því gátum við chillað að vild og horfðum á einn tvöfaldan Americas next top model, eða þ.e.a.s. Ásdís horfði og ég svaf. Þegar ég vaknaði var ég svo þunn (eða a.m.k. finnst mér líklegt að manni líði svona þegar maður er þunnur) að ég teygði mig ámáttlega í páskaeggið og fékk mér meiri sykur...þá lyftist strax á mér brúnin og ég ákvað að fara hingað niður með efnafræðibækurnar...og hér sit ég nú! Stefni á að læra núna næsta klukkutímann eða svo...og halda síðan áfram að borða, eða jafnvel kíkja í búðir :P Svona á lífið að vera!!! :D

 Ég stend við stóru orðin og kem með eitt stykki lauflétt blogg héðan frá Tenerife.

Hér á Tenerife er veðrið ekkert til að hrópa húrra fyrir, fimm gráður á celcíus og norðan garri. Ekki hefur enn sést til sólar, en við bindum miklar vonir við að hún láti sjá sig seinna í dag. Við fáum ekkert gott að borða og morgunmaturinn sæmir varla svínum. Völlurinn og öll aðstaða í kringum æfingarnar er ekki ósvipuð Baldurshaganum á meðan hann hét og var......jæja Gógó, ertu ánægð núna? :P

Nei sem betur fer er þetta ekki svona, og í rauninni er þessu öllu alveg öfugt farið.  Hér skín sólin glatt og hitinn gælir við 30°C, og það dag eftir dag. Hótelið og maturinn er tipp topp og ég var akkúrat að koma úr morgunmat þar sem ég sporðrenndi múslí með fullt af rúsínum, melónu og eggjahvítu. Gerist ekki mikið betra. Völlurinn er flottur og æfingar ganga vel.  Æfingabúðirnar eru sumsé búnar að vera ansi hreint góðar hingað til og vonandi verður engin breyting á því.

Eitt veldur mér þó svolitlu hugarangri en það er sjúkdómsgreiningin sem ég hef hlotið af lyfjafræðingi ferðarinnar. Ásdís telur nefnilega nokkuð augljóst að ég sé haldin þeim skelfilega og bráðdrepandi sjúkdómi tanorexíu! :s Ég veit ekki alveg með þessa sjúkdómsgreiningu samt. Jú vissulega vil ég mikið liggja í sólinni og tana sem mest, en í rauninni þá tana ég bara ekki rassgat í bala heldur verð ég bara rauð og roðin. Í mínu tilviki ætti sjúkdómurinn því frekar að bera nafnið redorexía, roðarexía eða rjóðurexía. En eins og þið takið kannski eftir þá nefni ég ekki brunarexía, því ég stend mjög fast á því að ég sé ekki brunninn, þetta er allt spurning um hugarfar og því er ég bara rjóð og roðinn mun innan skamms vonandi breytast í fagurbrúnan húðlit :P En núna er ég búin að ligga í sólbaði fimm daga í röð og ætla því að hvíla mig frá sólinni í dag.

Hér á Tenerife er töluvert mikið af mishressu gömlum ellismellum. Það er mjög greinilegt að lífið getur farið svolítið misjafnlega í fólk. T.d. eru tveir gamlir karlar hérna á hótelinu alveg rosalega hressir. Þeir halda uppi stuðinu í borðtenniskeppnum í sundlaugagarðinum og þegar ég og Ásdís tókum sundlaugaræfingu um daginn vildu þeir endilega taka þátt líka, en gáfust þó fljótt upp blessaðir. En svo erum við líka með andstæðurnar og oftar en ekki eru það gömlu kerlingarnar sem bara geta ekki hamið í sér skapið. Alveg merkilegt hvað það er hægt að tuða mikið yfir því að smá sandur og sjór slettist á mann við það að nokkrir krakkar spretti framhjá þeim á ströndinni. Ég skil ekki alveg hvað þær eru að vilja í sundbolnum niður á strönd ef þær geta ekki þolað smá sand og sjó =o Eitt hef ég allaveganna lært, ég ætla frekar að vera svona hresst  og skemmtilegt gamalmenni eins og spaðarnir í sundlaugagarðinum en ekki svona fúl og grömpí eins og gömlu konurnar í sundbolunum með rúllurnar í hárinu :P

En þangað til ég verð hresst gamalmenni ætla ég nú bara að einbeita mér að því að vera hress táningur. Þetta snýst allt um núið ekki satt?

En jæja ég ætla að láta þetta duga í bili. Sýnist sólin vera að koma upp og æfing eftir spjótkastæfing eftir hálftíma. Svo er bara að sjá hvort að það verði jafn mikill hasar á þessari kastæfingu og þeirri síðustu :P

Ætla að enda þetta blogg á því að hvetja vinkonur mínar í KR til dáða. Gangi ykkur allt í haginn í kvöld, takið eina sókn í einu, eina vörn í einu, einn leik í einu og takið í leiðinni eitt skref í einu í átt að markmiðinu.

!!!KOMA SVO - ÁFRAM MEÐ SMJÖRIÐ - SETJA SMÁ KÆFU Í ÞETTA!!!

Það er deginum ljósara að ég fæ ekki næga útrás fyrir tjáningarþörf mína þegar Helga er ekki heima. Ég er farin að tala ískyggilega mikið við sjálfa mig og las meira að segja upphátt 100 erinda ljóð áðan en hef þó ekki fengið næga útrás. Svo að ég missi mig nú ekki á æfingu á eftir og kjafti alla í kaf held ég að það sé ráð að leysa aðeins frá skjóðunni hér. Enda gengur víst sumum eitthvað illa að skilja mig svona live og kjósa því frekar að hafa það skriflega og helst með greinagóðum skýringum. Ég mun leggja mig alla fram um að flækja mál mitt ekki um of svo hinn sauðsvarti almúgi fái mig skilið :P

Eina ferðina enn er ég ein í kotinu því eins og alþjóð veit er Helga að sóla sig á Tenerifa og Grjóni er í sveitasælunni, enda vor í lofti og verk að vinna þar. Vel á minnst þá eru fyrstu lömbin komum :D Mikið hlakka ég til knúsa þessi litlu kríli. En ég hlakka ekki eins mikið til þess þegar þau verða orðin svo mörg að þau tapa krúttleik sínum í allri mergðinni.  

En hlutirnir eru heldur betur að gerast hérna. Haldiði ekki að hún móðir mín hafi splæst á mig þessu líka fína skrifborði úr IKEA. Hún er  greinilega raunsæasta manneksjan í fjölskyldunni því hún gat þess til sem sennilega er rétt, að skrifborðið sem ég ætlaði að taka í gegn og gera svo móðins yrði sennilega niðrí bílskúr til eilífarnóns ef ekki lengur miðaða við framtakssemi okkar Hvaslletingjanna :P Svo vildi ég auðvitað vinna mér það til frægðar að setja það sjálf saman enda á flestra vörum að jafnvel órangútar gætu sett saman húsgögnin frá IKEA. Eeennn...jújú góðir hlutir gerast hægt. En sem sagt þá liggur borðið í frumeindum sínum út um allt herbergisgólfið hjá mér. Ég gat ekki einu sinni hugað mér sofa í þessu drasli, þá var nú gott að það skyldu vera tvö auð rúm auk svefnsófa í íbúðinni. En ég skrifa þetta samt afarið á óvandvirkni IKEA. Ég myndi nú alveg sætta mig við að borga einvherjum 100 köllum meira fyrir þetta borð ef þeir sæju þá sóma sinn í að hefa götin fyrir skrúfurnar nógu stór og kannski merkja skrúfurnar einhvervegin svo það fari ekki hálfur dagurinn í að finna út úr því hvað skrúfa eigi að fara hvar. Okey okey, ég skal bara viðurkenna að ég þjáist af andlegri og líkmlegri fötlun þegar kemur að því að nota skrúfjárn, hamar og þess konar tól og er varla fær um að negla nagla í vegg án þess að kljúfa heila blokk. Enginn er fullkominn þó sumir komist ansi nálægt því :P


Talandi um fullkomunu. Ég er oft að hugsa (jú ég geri það stundum) um hvað séu svona mínir (og annarra )helstu kostir og gallar, hvað það sé í mínu fari sem fari virkileg í taugarnar á fólki því jú alltaf vill maður geðjast sem flestum. Mér finnst líka mjög leiðinlegt að geta ekki lesið minningargreinarnar sem um mig verða skirfaðar, ef þá einvherjar verða. Út frá þessu fer ég oft að hugsa um hvaða kostum ég myndi helst vilja vera búin. Ég hef alltaf dáðst mjög af fólki sem  getur ort ljóð, skrifð bækur eða samið tónlist. Og líka fólki sem veit ótrulega mikið um allan fjandann. Það er ekki laust við að ég fái minnimáttarkennd þegar að krakkar yngri en ég geta romsað út úr sér heilu ræðunni um fornaldarheimspeki bara við það að heyra Platón nefndan. Enda hef ég gert margar tilraunir til að komast í þessa elítu. Þegar ég var yngri reyndi ég oft að semja ljóð sem voru svo slæm að flestir fengju eflaust illt í gaugun við að lesa þau. Svo man ég eftir því að eitt sumarið ætlaði ég að vinna markvist í því að verað betur að mér um hin ýmsu málefni. Þetta sumar afrekaði ég að lesa stuttan kafla um uppruna Íslensku húsdýranna og horfa á hálfa heimildarmynd um fjöldamorð í Rúanda og alvegl helmingi fróðarin fyrir vikið :P Ætli ég verði ekki bara að láta mér nægja að dást af gáfum þessa fólks og reyna að halda mig við eitthvað annað. Ég get þó stært mig af því að vera á hugvísindasviði háskólans, en það finnst mér ofboslega gáfulegt eitthvað ;)


Áðan gerðist alveg allt of lýsandi atkvik fyrir mig. Ég er eins og áður segir ein heima og því tekur það langan tíma að fylla uppþvottavélina. En eins og önnur heimilstæki hér sem við vorum svo ótrúelga heppin að fá með íbúðinni gengur hún ekki alveg heil til skóagr. Þannig er að ef hún er sett af stað þá er ekki hgæt að opna hana og láta hana svo halda áram þar sem frá var horfið eins og hjá all flestum vélum. Þannig að ef manni vantar nauðsynlega eitthvað úr henni þá er annað hvrot að stoppa hana og láta hana byrja upp á nýtt eða þá að opna hana og freysta þess að grípa í það sem manni vanatr og eiga hættu á því að fá sjóðheitt vatnið á sig. En sem sagt þá var ég að taka til í eldhúsinu og þannig var ástatt að allir bollarnir voru orðnir skítugir þannig að ég geymdi einn sem ég ætlaði að skola sov ég gæti nú fengið mér kaffi. Svo er vélin komin í gang og ég búin að hella upp á kaffi og ætla að fara að skola bollann sem var á borðinnu inn í stofu. Ég er ekki fyrr stigin inn á helvítis flísarnar í eldhúsinu af parketinu að ég missi bollann og hann splúndrast, ég í hnotskurn.

Ég ætla að enda þetta blogg á því að koma mér áskorun á Helgu um að hún komi með næsta blogg og þar verði ekkert minnst á hitastig yfir 10°, sól, bruna eða morgunmatinn á hótelinu. Þoriru í það ???

Bið ykkur vel að lifa að sinni
GG

Ég hef haft ítrekað af því spurnir að lesendum þessa blogg þyki það  vera á fallandi fæti og alls kostar ókrassandi. Mér þykir það alls ekki góðar fréttir ef fólki er farið að þykja skemmtana gildi þessa bloggs á við Icesave frétt. Eitthvað verður að gera í því og ekki er hún Helga líkleg til stórræðana úti í útlöndum svo æti það verði ekki að vera ég sem bjarga málunum, aldrei þessu vant ;)

 
Hvað gæti svo hugsanlega verið það mest spennandi sem ég get sagt ykkur frá. Jú það hlýtur að vera dagurinn í dag, þriðjudagurinn 23 mars. Sjáum nú til. Það má segja að þessi dagur haf hafist óvenju snemma (þó ég sé nú öllu vön í þeim efnum) vegna ítrekaðra trulanna af hálfu Helgu þar sem hún var að búa sig undir að flýja af landi brott. Það þurfti auðvitað að kveðja og svo gerði hún heiðarlegar tilraunir til að nappa einvherju af mínu dóti til að taka með sér út, meðan að ég sef eins og ungabarn. Þetta kann hún stelpan. Ég var ekki fyrr sofnuð en helvítis klukkan tjáir mér að tími sé til komin að rísa úr rekkju. Þá hefst atubrðarás mjög svo óvanalegra atvika Nr.1 ég sklekk á klukkunni og geri mig líkleg til að halda áframa að sofa, sem gerist ca tvivar á ári (kenni reyndar alfarið um umræðu kvöldið áður um að ég myndi hugsanlega sofa yfir mig) nr 2 ég fæ sms klukkan 7 , það gerist ennþá sjaldnar nr 3 SMS-IÐ ER FRÁ BRÓÐUR MÍNU !!!  Ég bara man ekki eftir því að hann hafi verið á fótum á þessum tíma sólarhringsins og hvað þá hafi ástæðu til að senda mér sms þar aðeins einn þunnur veggur skilur herbergi okkar að. En þetta átti sér nú allt sínar skýringar sem ég nenni ekki að rekja hér.

Fram úr klöngraðist ég og fór að þrýfa hjá einu gamalmenninu. Þar svaraði ég sama spurningapakkanum . Jújú skólinn gengur vel, enn einhleyp barnlaus og hvað þá ástfangin. Og svo var mér lesinn pistillinn um siðleysi facebook þar sem fólk keppist við að safna "vinum" sem það baktalar svo í gríð og er. Já heimur vesnandi fer. Konur hafa ekki orðið tíma til að stofna fjölskyldu því þær eru svo uppteknar á facebook ;) Þaðan hélt ég í KR-arena og tók létta æfingu. Eins og á nánast hverri einustu æfingu sem ég hef tekið síðast liðin ár (og þær eru orðnar ansi margar) þurfti að tyggja ofan í mig sömu einföldu hlutina. Mikið er nú gott að vera svona ungu og móttækileg ;) Svo lá leið mín í Háksóla Íslands þar sem mín beið kennslustund í miðaldarbókmenntum. Þar fékk ég stafestan grun minn um að ég væri búin að lesa FOKKING 200 BLAÐSÍÐUR Í VILTLAUSIR GUÐMUNDAR SÖGU ARASONAR !!! (þið getið ekki ímyndað ykkur hvað það tekur mig langan tíma að lesa 200 blaðsíur og það einvhern forntexta ég er klárlega í rétta faginu). Já ég hefði átt að standa aðeins lengur í bókasafninu og spá í því hvort ég ætti að taka byskupasögur 2 eða 3. Dró svo þá ályktun að það gæti ekki skipt nokkru máli og valdi því nr 2! Gott val það. Hvað var eiginlega málið með þessa Dúdda þarna á miðöldum. Allir þurftu þeir að heita það sama, eða í það minnsta byrjuðu nöfnin á sama staf og svo þurftu þeir alltaf að spandera fleiri fleiri kálfum í mismunandi útgáfur af sömu sögunni !! Báru greinilega hag okkar námsmannana í brjósti. Það var líka einstaklega skemmtilegt að skrifa ritgerð um Sturlu Þórðarson sem jú átti alnafna sem var uppi einn öld síðar. Eins gott að vera með á nótunum þá.

En hvað um það.....óþarfa orkueyðsla að pirra sig á því. Svo fór ég bara heim lærði og þess háttar skemmtileg heit. Svo var bara aftur komið að æfingu og eftir hana fór ég aftur heim og svo er ég bara komin hingað og svo og svo  og svo....er klukkan orðin 22.40 og því er þetta blogg orðið svokallað samtímablogg ;)

Mikið getur það verið erfitt að vera svona ótrúlega  venjuleg. Alveg magnað að þó að landið sé á barmi gjaldþrots, titri og nötri eða spúi eldi þá er samt bara allt eins.....Bíð eiginlega bara eftir því að vera numin á brott af geimverum ;) En það er að koma vor og þá eru allir kátir !! Læt þess vegna eina sumar mynd fylgja með



Já en svona að mikilvægari málefnum þá er það komið í ljós að við munum mæta Hamri í úrslitum íslandsmótsins, fyrsti leikur á föstudaginn svo eins gott að fólk fari að gera viðeigandi ráðstafanir varðandi það ;) 

Sé ykkur á föstudaginn !!
GG :)

YEESSSS !!!!! Þið lásuð rétt, við erum komnar í úrslitin 3ja árið í röð. En nú ætlum við að klára dæmið :D Takk fyrir stuðningin allir sem hafið mætt á leiki og þið sem hafið ekki enn gert það þá er það enn ekki orðið of seint ;) Þetta er sko það skemmtilegasta í geiminum enda allar brosandi út að eyrum !!!
Það er ekki komið í ljós hverjum við mætum í úrslitunum en hvort sem það verður Hamar eða Keflavík þá verður þetta hörku rimma og pottþétt frábært skemmtun, engin ætti að missa af því ;)


Sé ykkur í stúkunni
ÁFRAM KR !!!

Nú ætla ég að láta gamminn geisa um allt og ekki neitt næstu 10 mínúturnar eða þangað til klukkan slær 12 og þessi dagur syngur sitt síðasta. Mjög undarlegt ástand hér, og þreytt til að ná nokkru samhengi í annars mjög svo áhugaverðri lesningu um hljóðkerfi en samt of mikið axsjón í gangi í hausnum á mér til þess að far að sofa. Er þá nokkuð betra en að skjóta inn eins og einu litlu bloggi. 

Það sem náttúrulega allra helst er að rétt í þessu, vorum við að vinna annan leikinn í undanúrslita rimmunni við Hauka og erum því komnar með tvo sigra á móti engum. Næsti leikur er svo á föstudaginn í DHL-höllinni. Ég treysti því náttúrulega að engin KR-ingur láti sig vanta þangað. Nema náttúrulega hún Helga sem ætlar að sting af til útlanda núna á hábjargræðistíma. Ég bara veit ekki hvað það á að fyrirstilla ???

En svona fyrir utan körfuboltann er allt meinhægt. Skólinn gengur sinn vanagang.  Ég veit samt ekki alveg hvort það boði gott að vera farin að sýna einkenni yfirlesturs eftir 2ja og hálfs mánaðar nám og það í kúrsum sem er ekki einu sinni mjög mikil lesning. Þetta hlýtur að stafa af litlu lestrar þoli efitr síðastliðið ár þar sem ég las aðallega uppskriftir, stöku ljóð fyrir gamla fólkið og svo auðvitað bloggið hans Eiðs http://blog.eyjan.is/esg/ eitthvað sem enginn sem unnir íslenskri tungu má láta fram hjá sér fara ;) Einkennin koma fram í tíma og ótíma. Um daginn var ég að vinna við ritgerð og var að hlusta á tónlist. Hrekk skyndilega við þegar Helga spyr mig hvað ség eiginlega að gera. Þá hafði ég í nokkrar mínútur bara slegið á einn takka í takkt við tónlistina þannig að setningin sem ég var að skrifa leit eitthvernvegin svona út jjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjj nokkuð gott af ekki langskólagengnari manneskju en mér ;) Svo er ég farin að eiga í miklum vændræðum með haga mér á almannafæri. Við helga gerðum okkur dagamun eitthvert föstudagskvöldið og fórum út að borða. Það endaði ekki betur en svo að ég frussaði matun yfir allt borðið. Þakka guði fyrir að það var varla sála inn á staðnum. Ég get ómögulega rakið þessa undarlegu hegðun til nokkurs annars en til lestursins. Þannig að gangið hægt um háskólansdyr.


Ég held að það hljóti að vera að Helgu finnist ég orðin ofboslega gömul eða þá komin með mjög snemmbúin aldsæmer. Hún er alltaf að reyna að sannfæra mig um að ég hafi sagt eitthvað eða gert sem ég veit alveg upp á mína 10 fingur að ég gerði ekki. Heldur því svo fram að ég muni það ekki. Bíð eftir því að hún reyni að halda því fram að ég hafi gefið henni öll fötin mín, tölvuna og i-podinn. Svon vaða þessi yngstu börn uppi.

Helga súperstar heldur áfram að gera það gott í fjölmiðlunum. Var í kastljósinu um daginn og kom svona líka vel fram að útvarpstjóri hætti snarlega við að leggja niður þulustarfið heldur réð Helgu á staðnum. Þau ykkar sem misstuð af þessu tímamótaviðtali getið séð það hér http://dagskra.ruv.is/sjonvarpid/4472146/2010/03/12/
Nú er ég heldur betur kominn yfir tímamörkin, enda svo sem ekki fræðilegur að ég gæti komið nokkru frá mér á 10 mínútum. Þetta blogg var sem sagt skrifað á tveim dögum ;) Held það sé aðeins farið að róast í heilasellu partýinu svo ég ætti að geta farið að koma mér í háttinn.

Munið bara að taka föstdaginn frá. KR-burger og frábær körfubolti, það gerist ekki betra :D